الرئيسية
يُـــمـــه
تكفين اسمعيني
يُـــمـــه
بسألك شي .. جاوبيني
هو صحيح اللي مات
داخل القبر يصير حي ؟؟؟
يــمـــه
أسمع أنــا صوتك ..
كل يوم اسمعه ..
واذا حاكيتك
هاوشوني ..
قالوا انسي ..
روحي يالله إلعبي !!
يُـــمـــه
تعالي ارجعي ...
والله خلاص بسمع كلامك ..
ما أخرب ألعابي ..
وإن قلتي يالله ..
روحي نامي ..
أروح حتى ماتزعلي .
يُـــمـــه
تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول :
مسكينه هالبنت صارت يتيمه .
قالت لها أبله منيره :
مسكينه توها صغيره .
وش كانوا يقصدون ..؟
يمكن عشاني صرت عاقله !
وألا عشاني دايم أسرح
يُـــمـــه
مريولي توسخ..
ماكان قصدي أوسخه ...
بس تذكرت إنك تقولي :
بعد شهرين..
بشتري لك لبس ثاني ..
يُـــمـــه
تعالي اشتري !
يُـــمـــه
عرفتي مها ؟
صديقتي اللي معي !
زاعلتني ..
تقول ماصرت أنا أضحّـكها
راحت تدور غيري
عشان تلقى أحد يونسهـا .
يُـــمـــه
يالله خلاص لاتمزحي
يالله قومي
تعالي معي للبيت ارجعي
يُـــمممااه
نسيت شي ..
بقولك ترى بيتنا صار فاضي ..
محد يجينا ..
وكل اللي فيه أنا واخواني ..
ليه وين اقاربنا ؟؟
وين خالتي ؟؟
اللي كانت تجينا !!
يُوومااااااه
قوومي يالله تعالي .
تكفين يالله تعالي .
ماودي أرجع لحالي
والله خايفه .
ترى أمس جيتك .
مارديتي .
حسبتك نــايمه .
!
!
أو .. أقولك ..
خلاص خلاص ..
أنا بجيك بكرة ..
إذا راحوا من هنا الناس ..
تكفين يمه بكرة اصحي .
تكفين يمه بكرة ارجعي.
م/ن
