الرئيسية
الطير بارزاقها طارت وانا في رجاااك
ياشيب راس الرضيع اللي فقد ضمتك
طواني الجوع ياللي قصرت بك خطاااك
من صبح والعين ترقب ياغلا طلتك
كانك مجنب ولا ودك تقابل غلاااك
هات الخبر قبل اشوف الليل في ظلمتك
اصدق معي لا تجامل جعل روحي فدااك
ماني بعاتب وقلبي غافر(ن) زلتك
برق الأمل لاح نوره وأبتسم له شفاااك
واصدت عصفورك الواقع على زهرتك
سرقتني بالنظر وارسلت سهمك شباااك
واصبحت اسيرك وقلبي ملك في قبضتك
بشويش تكفى ترفق بي من إيد الهلاااك
ان مت من سبتك تموت من حسرتك
الواقع اللي نعيشه ما صرف لي رضاااك
احيان تزعل وبعض احيان انا فرحتك
طبعك مزاجي وتفكيرك يعاند هواااك
تقول في داخلك ها الناس ما همتك
من يحتمل وسوسة شيطانك اللي دهاااك
في كل مرة تبرر عن سبب غلطتك
فوق الغلا زدتني همك وهمي معاااك
واصبحت بعيون خلك دمع محتلتك
